◥ 阿瓜™: 天空=梦想 ◤

     时间真系过得好快，如果唔系惊太耐唔上黎更新会俾人封左个space，我都唔觉原来已经三个月无上黎更新过。人真系有惰性，以前一个星期更新一次，之后变一个月更新一次，之后到而家都懒得上黎更新，好笑既系，我有好多朋友既blog都已经停止更新，甚至已经删左......不过又好难怪人地，msn个space实在太慢，有时根本打唔开添，有mood上黎更新都即刻cool down啦。

     呢三个月黎都做左唔少野：返北京考上课考试啦，短短一个月多D考左五科，CPL、IREX、ATPL、英语双证，庆幸既系可以一次过晒，不过对北京既天气真系十分之不适应，超冻加劲干，一个几月入边除左辛苦复习备考之外仲伴随住感冒咳嗽，真系够晒折磨...北京之后就系去珠海翔翼既十二日新雇员培训，好食好住，生活写意，终于享受到所谓既飞行员待遇...珠海后就系返黎广州飞行部报到，开始真正飞行前既打杂生涯，星期一至五每日都系准时八点半返工下午五点半落班，睇落好似白领，其实日日都系系郁闷中度过，算过得充实少少既就系可以帮安技部担担抬抬新黎既OM，或者坐系电脑前做足一日既Log book校对，所以无过几耐就学识左偷鸡，遮系将无聊既时间进行对自己既有利化，哈哈...唔经唔觉都打杂左一个几月，就系为左等去珠海既理论改装，究竟仲要等几耐呢？真系答你唔到...都系果句：“X航D野系甘留架啦！”（为免影响个人利益，航空公司名省略）。

     接下来既时间真系要好好感搞掂篇论文同译文，“风切变”顶你啊！

     回国之后日子真系过得好快，系广州已经两个星期啦。其实返到黎都觉得一切同以前一样熟悉，但系心入边却无果种如愿以偿既兴奋。可能系大学以后异地生活经历既离合太多，深深体会到果种未得到之前渴望快d得到，但拥有之后又觉得其实不外如是而唔会去珍惜既感觉。呢d可能就系犯贱，有时觉得自己做事好成熟，可以一个人去承受未知既痛苦又或者最后事与愿违既悲哀...有时又会觉得自己好幼稚，后悔已经做左既决定，甚至试图去挽回既成事实无法改变既过去...

     我，一直善于隐藏自己感觉，林唔通既事都会用自以为坚决而高明既方法去解决，系好多时候都会令同我相处既人觉得我简简单单，唔会多愁善感、患得患失。但系呢d可能系我太在意人地对我既睇法，唯恐倾诉以后，以讹传讹带来更多不快，所以宁愿独自忍受而不愿让人了解我...

     难得既一日，难得遇上一个看似陌生但感觉接近既人，可能系你同我交集不多，互相认识亦唔深，使大家可以无任何顾忌地去畅谈关于大家生活既各个方面。半日既时间令到我林通许多，希望你都系啦，坚持埋剩下既时间，忍受埋最后既痛苦，好快就会兑现一年半等待换来既值得...

     两个星期入边真系好开心，见到好多久违既面孔，大家感觉依旧，犹如忽略左我果二十一个月既离开。希望友谊永固！

P.S：听过一句话叫“性格决定命运”，要改变命运，系米就要先改变性格先呢？感对我都几大工程窝......

       特别奉上侧田既《KONG》

     西澳既飞行接近尾声，终于做左JET既first officer可以带杠飞啦，真系几爽。虽然黎左甘耐先带杠，不过都超有成就感。但系又发觉原来咩起呢两条柴真系唔简单，要好好感同captain合作既同时又唔可以完全依赖captain，要有自己既decision，其实就同之前既single pilot operation差唔多。到左而加呢个阶段，有好既飞行技术已经系其次，重要既系要有好既沟通协作，感样先可以担起成机人既生命安全...哈哈，讲到好似严重左d...anyway，仲有最后一个几星期系澳洲，好好享受埋最后既飞行训练啦，仲有呢边既阳光与海滩...

     广州既兄弟们，我返黎啦！！！

      P11过左一个星期都唔记得上黎写番篇“大作”，哈哈...

      过左P11等于呢边既训练临近结束，虽然P11过得唔系甘爽，不过过左就算啦，都算已经飞左出黎无所谓...净低既一个月JET Training等于Enjoy Fly，完全无压力，一定要好好享受呢个副驾改装，可以同Captain飞窝，仲有大把野学，加油...

      黎左西澳已经二十个月啦，慢慢黎左甘耐终于可以等到返屋企既时候，真系期待，一定要周围食周围玩仲有shopping加改造形（指意你啦庄庄）！！！

      P.S：JingJing既婚礼真系搞得好掂，祝距以后都幸福快乐！！！

     PHASE4开飞左一个半月，进度都算正常，而且就快到最后阶段既P10同P11，紧张之余仲有少少担心，可能系双发飞行阶段既课实在太少，煅炼既机会唔多，每一次飞航线遇到既情况都唔同，解决既办法亦都唔同，经验积累得唔够有时真系好难作出正确既决定。
     PHASE4既飞行真系好辛苦，而且跟住一个恶魔教练，但系...我觉得整个西澳既飞行最enjoy既又系而家，因为我既教练可以带到比我飞行既乐趣，凭住距对每一个动作既细致要求同飞行中既经验交流，真正教到我独立感去飞，周密感去做每一个决定，每次飞完都有好多收获，我唔敢肯定P10同P11可唔可以一次通过，不过至少系考之前已经充满信心，就已经成功左一半啦。而家已经进入考飞行试前夕既KDR阶段，希望可以系我教练身上学到更多更多理论精华，系仪表飞行既阶段唔好再留下咩遗憾！！！

P.S：实习紧既庄庄同Barbie要比心机啊，知道你地都好enjoy，不过都要小心身子，等我份啦.......

     一首好有感觉既歌李玖哲《我会好好过》，好耐无上黎更新，正在双发飞行中，希望快d拿到个Seminole endorsement啦，耐心+自信+积极=对付苛刻教练既唯一方法，坚持！！！好多Friends都放假啦，就剩我继续系呢边捱Lu...

      林下林下，都好耐无更新过个space啦，不过而家上黎都唔知写咩好，因为过去既差唔多一个月实在超无聊、乏味。等开飞一波几折，先系话等飞新飞机（性能仲衰过而家飞紧果种），之后又话新飞机运送过程出事，可能再要延迟开飞...我都唔明，我地有几个俾排班变相降左批，点解无得开飞先，反而系俾迟过我地既人飞，要我地一等再等感又算系点啊？

      系西澳学飞都算霉，虽然飞系无咩大问题，但系进度真系慢得罗命，都唔知呢个新院长点林野既？总知一讲起就系烦，进度慢既感觉真系唔好，有d人飞得差就话进度慢遮，我自问飞得都唔差，点解要同果d俾人觉得差既人混为一谈呢？

      我唔想每一次都系度呻我既不快，可能制度既原因，好多野你只能默默感去接受，如果你想背道而驰，恐怕会失去更多，感叹黎左西澳学到既除左飞行之外，仲有好多以后接触社会，做人处世既道理。Maybe个天想我系度学多d野，到我更加识得点去处理好自己既情绪先俾我回国挂，感其实系好事，一于系感啦，长命工夫长命做！！！

      最近睇左一出10介绍既旧戏叫《天作之盒》，宣扬既系完成主交托既使命，无私奉献...虽然我同宗教无咩交集，不过里面有唔少乐观向上既观点，仲有一句我最中意既说话：“我不能飞跃荆棘，但我能踏平障碍，迈步向前！”一齐互勉下啦...